اسلام آباد(مانیٹرنگ ڈیسک)وفاقی دارالحکومت اسلام آباد کے بعد لاہور کے ایک دفتر میں بھی خاتون کیساتھ چھیڑ چھاڑ  کرنے کی ویڈیو سامنے آگئی۔ویڈیو میں دیکھا جاسکتا ہے کہ ایک خاتون دفتر میں کھڑی ہے، اسی دوران اس کا ایک کولیگ آتا ہے اور اسے نامناسب انداز میں چھوتا ہے۔ یہ ویڈیو سی سی ٹی وی کیمرے کے ذریعے ریکارڈ ہوئی جو اب سوشل میڈیا پر

سامنے آچکی ہے۔ میڈیا رپورٹس کے مطابق یہ واقعہ لاہور کے کسی دفتر میں پیش آیا ہے۔یادرہے کہ کچھ روز پہلے اسلام آباد سے ایک ویڈیو سوشل میڈیا پر وائرل ہوئی تھی جس میں دیکھا گیا کہ فیصل بینک کا منیجر خاتون کارکن کو نامناسب انداز میں چھوتا ہے۔ ویڈیو سامنے آنے پر منیجر کو نوکری سے برخاست کرکے اسے گرفتار کرلیا گیا تھا۔