اسلام آباد (مانیٹرنگ ڈیسک )آپ امریکا کے اندر لابنگ کریں اور انہیں بتائیں کہ نواز شریف سے زیادہ قابل بھروسہ کوئی اور نہیں ہے ۔ تفصیلات کے مطابق سینئر اینکر پرسن عمران  ریاض نے کہا ہے کہ پاکستان میں موجود سیاسی صورتحال میں جو ہو رہا ہے وہ سب نواز شریف کی بدولت ہو رہا ہے ،

وہ اداروں کو نشانہ بنا رہے ہیں اور لڑائی کو اس نوبت تک لے گئے ہیں جہاں سے واپسی ناممکن ہو گئی ہے، پی ڈی ایم اس وقت نواز شریف کے دم سے چل رہی ہے ۔ معروف اینکر پرسن نے کہا ہے کہ نواز شریف کیساتھ سابق افغان صدر حامد کرزئی کیساتھ 11جنوری کو ملاقات ہوئی جس کھوج پاکستانی انٹیلی جنس ایجنسیز نے لگائی ، جبکہ یہ خبر بھی منظر عام پر آئی تھی کہ سابق وزیراعظم نےبھارتی ایجنسی را کے افراد سے ملاقات کی تاہم اس حوالے سے کوئی تصدیق نہیں ہو سکی ہے ۔ نواز شریف نے حامد کرزئی کیساتھ ایسی باتیں شیئر کی جن پر ایجنسیوں کو غصہ آیا ہے ۔ نواز شریف نےکہا کہ افغانستان میں امن کے قیام کیلئے امریکا کو پاکستان کی ضرورت ہے آپ بطور افغانی امریکا میں لابنگ کریں اور انہیں واضح کریں کہ نواز شریف سے زیادہ قابل بھروسہ کوئی دوسر ا نہیں ہے ۔ افغانستان اور امریکا کے لیے جو خدمات نواز شریف دے سکتا ہے وہ تحریک انصاف کی حکومت یا موجودہ اسٹیبلشمنٹ نہیں دی سکتی ۔ حامد کرزئی کو یہ بھی بتایا کہ پاکستان کی موجودہ اسٹیبلشمنٹ آپ کے ساتھ ڈبل گیم کر رہی ہے۔ان مزید کہنا تھا کہ نواز شریف نے یہ پیغام دیا کہ افغانستان میں امن کے قیام کیلئے نواز شریف پر بھروسہ ہیں اور آپ کے مسائل کیلئے مفید ثابت ہونگے ۔