اسلام آباد(این این آئی)وزیراعظم عمران خان سے مشیر پارلیمانی امور بابر اعوان نے ملاقات کی جس میں ملکی قومی معاملات اور آئینی امور پر تبادلہ خیال کیا گیا ۔ وزیراعظم نے گفتگو کرتے ہوئے کہاکہ ادارے قوم کو پیارے ہیں،پاکستان کو استحکام کی راہ پر ڈال دیا ہے۔ انہوں نے کہاکہ منی لانڈررز نے معیشت برباد کی ہم نے سنبھالا دیا،قومی دولت چوری کرنے

والے صرف این آر او کی تلاش میں ہیں۔بابر اعوان نے کہاکہ اداروں کے خلاف بیانیہ کسی صورت ملکی و قومی مفاد میں نہیں ،عوام ریاستی اداروں کے ساتھ کھڑے ہیں بھرپور دفاع کیا جائیگا۔ انہوں نے کہاکہ بہتر معاشی اقدامات کے باعث حکومت درست سمت میں آگے بڑھ چکی ہے، درست پالیسیوں اور عوامی مفاد کی قانون سازی سے مثبت نتائج کی توقع ہے۔