ڈھاکہ (نیوز ڈیسک)جنوبی افریقہ کی کرکٹ ٹیم نے اپنے دورہ بنگلہ دیش کے آغاز پر ڈھاکہ میں پریکٹس سیشن کے دوران ڈرون استعمال کرنے اور قومی سلامتی کی خلاف ورزی پر بنگلہ دیشی فوج سے معافی مانگ لی ۔غیر ملکی میڈیا کے مطابق رواں ہفتے ہونے والے پریکٹس سیشن کے دوران بنگلہ دیش کرکٹ کا گراو¿نڈ اسٹاف ا±س وقت حیران رہ گیا جب انھوں نے فضاءمیں اڑتا ہوا ایک ڈرون دیکھا جسے جنوبی افریقی ٹیم کے عہدیدار کنٹرول کررہے تھے جس کے بعد بنگلہ دیشی کرکٹ انتظامیہ نے جنوبی افریقا کے کھلاڑیوں کی تصاویر لینے والے ڈرون کے استعمال سے روک دیا۔جنوبی افریقا کے ٹیم مینیجر محمد موسیٰ جی نے اپنے ایک ای میل پیغام میں کہا کہ پریکٹس سیشن کے دوران کھلاڑیوں کی تصاویر لینے والا عملہ اپنے ساتھ ایک ڈرون بھی لے آیا تاکہ اپنے یوٹیوب چینل کے لیے کچھ تخلیقی مناظر اور تصاویر لی جاسکیںانہوںنے کہاکہ ہم بنگلہ دیش کی فضائی حدود کے سخت حفاظتی پروٹوکول سے لاعلم تھے جس کے بعد ہم نے اس ڈیوائس (ڈرون) کا استعمال بند کردیا۔محمد موسیٰ جی نے کہا کہ واقعہ کی وجہ سے اگر کسی بھی قسم کی رکاوٹ پیدا ہوئی ہوتو ہم بنگلہ دیشی فوج اور سیکیورٹی فورسز سے معافی طلب کرتے ہیں۔بنگلہ دیش کرکٹ ٹیم کے ایک عہدیدار نے نام ظاہر نہ کرنے کی شرط پر بتایا کہ جنوبی افریقا کی ٹیم کو بتایا گیا کہ ڈرون کیمرے بعض پابندیوں کی وجہ سے استعمال نہیں کیے جاسکتے اور ہمیں خوشی ہے کہ انھوں نے اس بات کی حقیقی روح کو سمجھا۔کرکٹ بورڈ کے عہدیادار کے مطابق سول ایوی ایشن اتھارٹی نے گزشتہ برس دسمبر میں قومی سلامتی اور حفاظت عامہ کے پیش نظر اپنی فضائی حدود میں تمام بغیر پائلٹ ہوائی گاڑیوں اور ڈیوائسز پر پابندی عائد کردی تھی۔واضح رہے کہ جنوبی افریقا کی ٹیم رواں ہفتے 2 ٹی ٹوئنٹی انٹڑنیشنل، 3 ون ڈے انٹرنیشنل اور 2 ٹیسٹ میچز کھیلنے کےلئے بنگلہ دیش کے دورے پر موجود ہے۔سیریز کا پہلا ٹی ٹوئنٹی انٹرنیشنل میچ اتوار کو ڈھاکہ میں کھیلا جائے گا۔