ہفتہ‬‮ ، 05 اپریل‬‮ 2025 

امام الحق نیشنل ٹی 20 کپ میں سب سے زیادہ رنز بنانے والے بلے باز بن گئے

datetime 13  اکتوبر‬‮  2020
ہمارا واٹس ایپ چینل جوائن کریں

اسلام آباد (نیوز ڈیسک) پاکستانی کھلاڑی امام الحق نیشنل ٹی ٹوئنٹی کپ میں سب سے زیادہ رنز بنانے والے کھلاڑی بن گئے، انہوں نے اب تک 292 رنز بنائے ہیں۔ نیشنل ٹی ٹوئنٹی کپ میں سنسنی خیز مقابلوں کا سلسلہ جاری ہے، امام الحق بلوچستان کی جانب سے کھیل رہے ہیں، امام الحق نے مجموعی طور پر اب تک 292 رنز بنائے ہیں اور ان میں ان کی 94، 80 اور 92 کی

اننگز بھی شامل ہیں۔ واضح رہے کہ سندھ کے کپتان سرفراز احمد اور نوجوان آلراؤنڈر حسان خان کی 22 گیندوں پر 51رنز کی شراکت کی بدولت بلوچستان کو 4 وکٹوں سے شکست کا سامنا کرنا پڑا۔سندھ نے 174 رنز کا ہدف 19.1 اوورز میں 6وکٹوں کے نقصان پر حاصل کرلیا۔مطلوبہ ہدف کے تعاقب میں سندھ کی ابتدائی دو وکٹیں محض 34 رنز پر گریں تو اسد شفیق نیاعظم خان کے ہمراہ تیسری وکٹ کے لیے 51 رنز جوڑکر ٹیم کو سنبھالا دینے کی کوشش کی تاہم دونوں کھلاڑی بالترتیب 30 اور 27 رنز بناکر پویلین واپس لوٹ گئے تاہم نوجوان آلراؤنڈر حسان خان نے جب وکٹ کیپر بیٹسمین سرفراز احمد کو کریز پر جوائن کیا تو سندھ کو جیت کیلئے 29 گیندوں پر 53 رنز درکار تھے اور اس کی پانچ وکٹیں باقی تھیں مگر دونوں کھلاڑیوں نے جارحانہ انداز اپناتے ہوئے بلوچستان کے باؤلرز کو دباؤ کا شکار کردیااور پہلے عمر گل اور پھر خرم شہزادکے اوور میں بالترتیب17 اور 20 رنز بناکر میچ کا پانسہ پلٹ دیا۔سرفراز احمد 28 گیندوں پر 44 رنز بناکر آؤٹ ہوئے جبکہ حسان خان نے 14 گیندوں پر 2 چھکوں اور ایک چوکے کی مدد سے ناقابل شکست28 رنز کی برق رفتار اننگز کھیل کر ٹیم کو فتح سے ہمکنار کردیا۔بلوچستان کے عماد بٹ اور خرم شہزاد نے 2، 2 وکٹیں حاصل کیں۔اس سے قبل سندھ نے ٹاس جیت کر بلوچستان کو فیلڈنگ کی دعوت دی تو اوپنر امام الحق نے شاندار کھیل کا مظاہرہ کیا۔

بائیں ہاتھ کے اوپنر نے 60 گیندوں پر 11 چوکوں کی مدد سے ناٹ آؤٹ 92 رنز بنائے۔وہ 287 رنز بناکر فی الحال ایونٹ کے ٹاپ اسکورر بن گئے ہیں۔ امام الحق نے عبدالواحد اور بسم اللہ خان کے ہمراہ بالترتیب 65 اور 53 رنز کی شراکت قائم کی۔ عبدالواحد نے 32 اور بسم اللہ خان نے ناٹ

آؤٹ 16 رنز بنائے۔بلوچستان نے مقررہ بیس اوورز میں 3 وکٹوں کے نقصان پر 173 رنز بنائے۔سندھ کے حسان خان، انور علی اور سہیل خان نے ایک ایک وکٹ حاصل کی۔بلوچستان کے امام الحق اور سندھ کے کپتان سرفراز احمد کو مشترکہ طور پر پلیئر آف دی میچ کا ایوارڈ دیا گیا۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…