اسلام آباد (این این آئی) شارجہ کے حکمران کی اہلیہ شیخہ جواہر بنت محمدالقاسمی نے شوکت خانم ہسپتال کیلئے 44 لاکھ درہم گرانٹ کا اعلان کردیا، پاکستان نے گرانٹ کا خیر مقدم کرتے ہوئے شیخہ جواہر بنت محمدالقاسمی سے اظہار تشکر کیا۔تفصیلات کے مطابق شارجہ کے حکمران کی
اہلیہ نے شوکت خانم ہسپتال کیلئے 44 لاکھ درہم گرانٹ کا اعلان کردیا ، شیخہ جواہر بنت محمدالقاسمی نے پشاور کینسر ہسپتال کیلئے گرانٹ کا اعلان کیا۔رقم شوکت خانم ہسپتال پشاور کیلئے جدید طبی آلات کی فراہمی پر خرچ ہوگی اورکینسر ہسپتال میں جدید سہولتوں سے 3 ہزار مریض مستفید ہوں گے۔پاکستان نے اعلان کی گئی گرانٹ کا خیر مقدم کرتے ہوئے شیخہ جواہر بنت محمدالقاسمی سے اظہار تشکر کیا اس حوالے سے وزیراعظم معاون خصوصی برائے اوورسیز پاکستانیز زلفی بخاری نے سماجی رابطے کی ویب سائٹ ٹوئٹر پر اپنے پیغام میں کہا کہ مریضوں کیلئے تعاون پر شیخہ جواہر بنت محمد ال قاسمی کے شکر گزار ہیں، پشاور کینسرہسپتال کیلئے1.2 ملین ڈالرز کی فراہمی پر آپ کا شکریہ۔
