اسلام آباد(مانیٹرنگ ڈیسک) توشہ خانہ ریفرنس میں سابق وزیر اعظم نوازشریف کے اثاثے ضبط کرنے کاحکم۔نجی ٹی وی کے مطابق توشہ خانہ ریفرنس میں نیب نے نوازشریف کے تمام اثاثوں کا ریکارڈ احتساب عدالت میں پیش کردیا،عدالت نے نیب کی پیش کردہ فہرست کے مطابق نوازشریف کے اثاثے ضبط کرنے کاحکم دیدیا۔نوازشریف کے نام پر لاہور میں موجود اراضی

کاریکارڈ بھی پیش کیا گیا ،ریکارڈ میں سابق وزیراعظم کی جائیدادیں ،گاڑیاں ،بینک اکائونٹس شامل ہیں، فہرست میں نوازشریف کے زیراستعمال مرسیڈیز، لینڈکروزر، 2 ٹریکٹر بھی شامل ہیں ،عدالت نے مفرور ملزم کے لاہور کے نجی بینک میں اکائونٹس بھی منجمد کرنے کا حکم دیدیا۔یا درہے کہ سابق وزیر اعظم اس وقت لند ن میں موجود ہیں جہاں وہ اپنا علاج کرارہے ہیں ۔