اسلام آباد (این این آئی) پاکستان مسلم لیگ (ن)کے سینیٹر مشاہداللہ خان نے اداکارہ مہوش حیات اور پشاور زلمی کے مالک کو صدارتی ایوارڈ دینے کے معاملے پر اعتراض اٹھا دیا ۔ سینٹ میں اظہار خیال کرتے ہوئے انہوںنے کہاکہ چھ ستمبر کومہوش حیات اور پشاور زلمی کی مالک کو
ایوارڈ دینے کی تصویر دیکھی ،یہ دونوں تصاویر میں نے سوشل میڈیا پر دیکھیں ،مہوش حیات کا کچھ نہیں کہتا ،جاوید آفریدی کو ایوارڈ کیوں دیا ؟،جاوید آفریدی کو پشاور زلمی کا مالک اور چین میں کاروباری شخصیت کے طور پر صدارتی ایوارڈ دیا گیا ،کیا جاوید آفریدی نے ٹیکس بھی زیادہ دیا ؟،زیادہ ٹیکس پر تو ایوارڈ بنتاہے کاروباری شخصیت کے طور پر نہیں ،آپ نے کرکٹ کی بنیاد پر ایوارڈ دیا تو پھر لاہور قلندر کوئٹہ اسلام آباد کراچی کنگز اور ملتان سلطان کو کیوں نہیں دیا ،ہر جگہ اپنوں کو نوازنے کا سلسلہ بند کیا جائے ،جاوید آفریدی نے کوئی نہ کوئی پوشیدہ طور پر خدمت کی ہو گی ،چیئرمین سینیٹ نے معاملہ قاِئمہ کمیٹی کے حوالے کر دیا۔
