اسلام آباد(مانیٹرنگ ڈیسک)ملک بھر میں آج سے تعلیمی ادارے کھل گئے ہیں ۔اسلام آباد میں تعلیمی میں ایس او پیز کی خلاف ورزی کی وجہ سے 16کرونا وائرس کے مریض رپورٹ ہوئے ہیں ۔ تفصیلات کے مطابق تعلیمی ادارے کے طلباء اور ملازمین میں 16 کوویڈ 19 معاملات سامنے آنے کے بعداسلام آباد کی ضلعی انتظامیہ نے وائرس کے مزید پھیلاؤ سے بچنے کے لئے
کالج اور ایک ہاسٹل کو سیل کر دیا ہے۔این سی اوسی کے مطابق مذکورہ ادارے سے کوروناکے16کیس رپورٹ ہوئے ہیں۔واضح رہے کہ چھ ماہ تعطل کا شکار ہونے والی تعلیمی سرگرمیوں کا مرحلہ وار آغاز ہوگیا،ملک بھر کے بھر کے کالجز ، جامعات اور اسکولوں میں نویں، دسویں جماعت کی تعلیمی سرگرمیوں جار ی رہیں گی ۔ تفصیلات کے مطابق کورونا ایس او پیز پر سختی سے عمل درآمد کیا گیا ، داخلے کے مقام پر طلبہ کے درمیان سماجی فاصلہ رکھنے کے لیے نشان بنائے گئے ہیں ، واک تھرو جراثیم کش گیٹ نصب کیے گئے ہیں، اس موقع پر اسپرے اور سینیٹائز بھی کیاگیا۔اسکولوں کو روزانہ کی بنیاد پر ڈس افیکیٹ کیا جائیگا، لاک ڈاؤن کے دوران بعض اداروں نے آن لائن کلاسز کا سلسلہ جاری رکھا اور امتحانات بھی لیے جس میں کامیاب امیدوار نئے سمسٹرز میں تعلیم جاری رکھیں گے۔نیشنل کمانڈ اینڈ آپریشن سنٹر میں وزیر تعلیم شفقت محمود کی زیر صدارت ہونے والے اجلاس میں ملک بھر کے تعلیمی ادارے مرحلہ وار کھولنے کا فیصلہ کیا گیا تھا۔تعلیمی ادارے مرحلہ وار کھولنے کے فیصلے کے تحت اب 23 ستمبر کو چھٹی ، ساتویں اورآٹھویں کلاسز ، 30 ستمبر سے پرائمری کلاسز بھی شروع ہوجائیں گی۔
