اسلام آباد(مانیٹرنگ ڈیسک)حکومتی اعلان کے برعکس ہر روز عمرہ شروع کرنے کی خبریں دینے والی سعودی عمرہ کمپنیوں کی شامت آگئی۔ سعودی زارت داخلہ نے گھیرا تنگ کر دیا ۔

میڈیا رپورٹس کے مطابق سعودی وزارت داخلہ نے1435 سے 1441 تک جاری ہونیوالے عمرہ ویزوں کا ریکارڈ عمرہ زائرین کی سعودی عرب میں داخلے اور واپسی کی رپورٹس مانگ لی۔ سعودی عرب میں وفات پانیوالے عمرہ زائرین جن کی معلومات سعودی محکمہ جوازت کو فراہم نہیں کی گئی ان عمرہ کمپنیوں کو 25 ہزار ریال فی کس کے حساب سے جرمانہ عائد کرنے کے نوٹسز جاری کر دئیے گئے ۔ مکمل ریکارڈ اور جرمانے ادا نہ کر سکنے والی کمپنیوں کو بلیک لسٹ کر دیا جائے گا۔ درجنوں عمرہ کمپنیوں کے گرفت میں آنے کا امکان ہے، 7 سالہ ریکارڈ کی کلیئرنس رپورٹ جمع کرانے والی عمرہ کمپنیاں 1442 کیلئے رجسٹرڈ ہونے کی درخواست دے سکیں گی۔یاد رہے کہ رواں سال کرونا کی وجہ سے حج کی ادائیگی بھی محدود پیمانے پر کی گئی تھی ۔

موضوعات:سعودی حکومت عمرہ