نیو یارک (آن لائن) اقوام متحدہ کے سیکرٹری جنرل انٹونیو گوٹیرش نے خبردار کیا ہے کہ دنیا کے چار ممالک میں قحط کا شدید خطرہ ہے۔ غیر ملکی خبر رساں ادارے کے مطابق سلامتی کونسل کے ارکان کو لکھے اپنے ایک خط میں گوٹیرش نے لکھا کہ کانگو، یمن، نائجیریا اور جنوبی سوڈان میں ممکنہ قحط کی وجہ سے لاکھوں افراد کی زندگیاں خطرے میں ہیں۔

سیکرٹری جنرل کے مطابق ان ملکوں کی مدد کے لئے دستیاب فنڈز انتہائی محدود ہیں اور اس ضمن میں فوری کارروائی درکار ہے۔ گوٹیرش نے صومالیہ، برکینا فاسو اور افغانستان کی صورتحال پر بھی تشویش ظاہر کی۔ انہوں نے اقوام متحدہ کی گلوبل رپورٹ آن فوڈ کرائسس کے تجزئیے کی بنیاد پر یہ انتباہ جاری کیا۔