ساہیوال(آن لائن) قومی احتساب بیورو نیب لاہور کی ایک ٹیم نے ڈی بلاک فرید ٹائون میں چھاپہ مار کر ایک ہائوسنگ کالونی کے ڈائریکٹر احسن سلیم چوہان کو گرفتار کر لیا ۔ملزم نے جی ٹی روڈ پر شمریز اور انکے4 ساتھیوں کے ہمراہ ایک پرائیویٹ کالونی علامہ اقبال ٹائون کے نام سے بنائی اور ڈیڑھ ارب روپے سے زائد رقوم الاٹیوں کی ہڑپ کر لی جس کا نیب نے نوٹس لے لیا
اور ڈی جی نیب پنجاب لاہور نے احسن سلیم چوہان کی گرفتاری کے وارنٹ جاری کئے تھے ۔جسے ا ن کے گھر سے گرفتار کر لیا ۔ملزم احسن سلیم چوہان تحریک انصاف کے وزیر اعلیٰ کے شکایت سیل ضلع ساہیوال کے انچارج شیخ محمد چوہان سابق ایم پی اے کے بھتیجے ہیں۔نیب کی ٹیم تھانہ فرید ٹائون میں احسن سلیم چوہان کی گرفتاری کی رپٹ درج کرانے کے بعد لاہور روانہ ہو گئی۔
