اسلام آباد(مانیٹرنگ ڈیسک)سینئر صحافی، اینکر پرسن ، کالم نگار جاوید چوہدری نے اپنے کالم میں انکشاف کیا ہے کہ وزیراعلیٰ پنجاب عثمان بزدار نے انہیں بتایا کہ میں نے زندگی میں کبھی کوکا کولا اور سیون اپ نہیں پی میں فانٹا بھی نہیں پی سکتا ،میں صرف شیزان پیتا ہوں ،میں سمارٹ فون استعمال نہیں کر سکتا میرے پاس عام سا فون ہے میں اس پر بھی صرف فون کرتا یا سنتا ہوں زیادہ سے زیادہ واٹس ایپ کر لیتا ہوں میں فون کو زیادہ نہیں چھیڑتا کیوں کہ مجھے خطرہ

ہوتا ہے کہیں غلطی سے میرا ہاتھ دائیں بائیں نہ لگ جائے اور کوئی ایسی چیز نہ کھل جائے جسے میں بند ہی نہ کر سکوں۔میں نے کبھی آئی فون یا اینڈرائیڈ استعمال نہیں کیا میں انہیں ہاتھ بھی نہیں لگاتا یہ ہنس کر بولے مجھے یہ بھی نہیں پتا میرے بچے کس کلاس میں پڑھتے ہیں میں نے چند دن پہلے ان کے فارم پر کرنا تھے میں نے ان سے کہہ دیا بیٹا مجھے نہیں پتا تم کس کس کلاس میں پڑھتے ہو لہذا تم اپنے فارم خود پر کر لو ، روز صبح شکرانے کے دو نفل پڑھ کر دفتر آتا ہوں۔