اسلام آباد (این این آئی)پاکستان کو کورونا سے نمٹنے کی بہترین حکمت عملی کا عالمی سرٹیفکیٹ مل گیا۔ پیر کو اقوام متحدہ جنرل اسمبلی کے صدر وولکن بوزکر نے کورونا سے نمٹنے کی پاکستانی حکمت عملی کو دنیا کے لیئے مثال قرار دے دیا۔ وولکن نے کہاکہ کورونا وائرس سے نمٹنا دنیا بھر کیممالک کے لیے چیلنج ہے۔صدر اقوام متحدہ نے کہا کہ پاکستان اس
عالمی وبا سے بہترین انداز سے نبرد آزما ہوا، دنیا کو کورونا سے نمٹنے کے لیے پاکستان کی کوششوں سے سیکھنے کی ضرورت ہے۔صدر اقوام متحدہ جنرل اسمبلی نے کہاکہ اعداد و شمار ظاہر کرتے ہیں پاکستان نے باقی دنیا سے بہتر اقدامات اٹھائے۔ صدر اقوام متحدہ جنرل اسمبلی نے کہاکہ اپنی آنکھوں سے اس صورتحال کا مشاہدہ کر کے بہت خوشی ہوئی۔
