اسلام آباد(مانیٹرنگ ڈیسک)قومی اسمبلی کے سپیکر اسد قیصر کا کہنا ہے کہ کورونا کو عام بیماری نہ سمجھا جائے، قرنطینہ میری زندگی کا غیر معمولی واقعہ تھا۔نجی ٹی وی پروگرام میںاپنے کورونا کے حوالے سے تجربے سے آگاہ کرتے ہوئے انہوں نےبتایا کہ میں نے شروع میں احتیاط نہیں کی جو مجھے کرنی چاہیے تھی، کورونا بیماری میری زندگی کا بڑا امتحان تھا۔اسد قیصر نے کہا کہ عوام سے درخواست ہے کہ اس بیماری کو سنجیدہ لیں،اگر کسی کو سینے میں تکلیف

ہو تو فوری چیک اپ کرائیں، جب میں ہسپتال میں تھا وہ لمحات میرے لیے کافی مشکل تھے۔انہوں نے بتایا کہ بیماری کے دوران متوازن غذا لی، ادرک اور پودینے کا استعمال کیا، کورونا کی روک تھام کے لیے حکومت کا اسمارٹ لاک ڈاؤن مناسب ہے۔انہوں نے مزید کہا کہ اسمبلی کو جس طرح چلارہا ہوں ، بلاول اورخواجہ آصف بھی اس کے معترف ہیں،چاہتا ہوں اسمبلی میں اپوزیشن اور حکومت کی ملکی معاملات پر مثبت بحث ہواور ایوان کی کارروائی اچھے طریقے سے چلے۔