اسلام آباد/کوئٹہ (آن لائن)وفاق میں پاکستان تحریک انصاف حکومت کی اتحادی جماعت بلوچستان نیشنل پارٹی کے صدر سردار اختر جان مینگل بھی حکومت مخالف تحریک کے لیے سرگرم ہوگئے ہیں سردار اختر جان مینگل جمعیت علمائے اسلام کے سربراہ مولانا فضل الرحمان کی رہائش گاہ پر پہنچ گئے ہیں۔ گزشتہ روز حکومتی اتحادی سردار اخترمینگل کی مولانا فضل الرحمان سے ملاقات کی

اختر مینگل اور مولانا فضل الرحمان کی ملاقات حکومتی حلقوں میں اضطراب پیداہوگیاہے،ذرائع نے بتایا ہے کہ اختر مینگل کی مولانا فضل الرحمان سے ملاقات کے موقع پربی این پی کی طرف سے سینیٹر جہانزیب جمالدینی اور جے یو آئی کی طرف سے مولانا عبدالغفور حیدری، مولانا اسعد محمود اور دیگر بھی شریک ہیں،ذرائع کے مطابق ملاقات میں حکومتی بجٹ اور تحریک انصاف حکومت کو ٹف ٹائم دینے پر غور کیا جائیگا۔ اختر مینگل اپنے 6 نکاتی ایجنڈے پرمولانا فضل الرحمن سے تبادلہ خیال کیا۔ غیرملکی نشریاتی ادارے کو خصوصی انٹرویو دیتے ہوئے سرداراخترجان مینگل نے کہاکہ اس عرصے میں 418 افراد بازیاب ہوئے ہیں اور یہ وہ ہیں جنھوں نے ان سے رابطہ کیا یا ان کے ذریعے رہا ہوئے ہیں۔انھوں نے بتایا کہ موجودہ دور حکومت میں بلوچستان سے 1500 کے قریب جبری گمشدگیاں ہوئی ہیں جبکہ اس عرصے میں 418 افراد بازیاب ہوئے ہیں اور یہ وہ ہیں جنھوں نے ان سے رابطہ کیا یا ان کے ذریعے رہا ہوئے ہیں۔ہم نے قومی اسمبلی میں لاپتہ 5128 افراد کی فہرست پیش کی تھی، اسی دوران مئی تک 500 مزید افراد کی گمشدگی کی ایک اور فہرست دی جبکہ 900 سے 1000 افراد کی ایک اور فہرست ہے جو ابھی تیار ہو رہی ہے یہ تمام لوگ تحریک انصاف کی حکومت میں لاپتہ ہوئے ہیں اس صورتحال سے واضح ہوتا ہے کہ ہمارے مطالبات اور بنیادی مطالبے پر کوئی پیش رفت نہیں ہو رہی ہے