دبئی(نیوزڈیسک) گرمیوں کی آمد اور ساتھ ہی رمضان المبارک کی وجہ سے ہمارا جسم پانی کی کمی کا شکار ہوجاتا ہے لیکن آج ہم آپ کو ایک ایسا عرب مشروب بتائیں گے جس کے استعمال سے آپ نہ صرف پانی کی کمی ،گرمی اور جسمانی کمزوری کا شکار نہیں ہوں گے بلکہ آپ ہشاش بشاش بھی ہوجائیں گے۔
یہ مشروب ہر عرب افطاری میں ضرور موجود ہوتا ہے ۔یہ جو،باجرہ،خشک بریڈ یا کشمش سے تیار کیا جاتا ہے۔اسے مزید خوش ذائقہ بنانے کے لئے اس میں چینی،الائچی اور دارچینی بھی ڈالی جاتی ہے۔صوبیہ اپنے خوبصورت رنگ کی وجہ سے مشہور ہے لہذااسے خوش شکل بنانے کے لئے رنگ کا بھی استعمال کیا جاتا ہے۔
اجزا
ایک کپ پسے ہوئے جو
ایک چمچ الائچی
پانچ لونگ
آدھ کپ چینی
پانچ کپ پانی
ایک چوتھائی بلیو بیری کا ٹنکچر
پانچ گرام ادرک کٹا ہوا
بنانے کا طریقہ
تمام چینی کو پانی میں اچھی طرح حل کرلیں اور پھر جو،الائچی،ادرک،دارچینی،لونگ اور بلیو بیری کا ٹنکچر ڈال کر اچھی طرح حل کریں اور یکجا ہونے تک بلینڈ کریں۔۔اب اس مشروب کو تین گھنٹے تک کمرے کے درجہ حرارت پر رکھ دیں اور اس کے بعد 12گھنٹے تک فریج میں رکھنے کے بعد استعمال کریں۔