اسلام آباد (مانیٹرنگ ڈیسک)پاکستانی خوبرواداکارہ مہوش حیات نے تُرک سیریز ’دیرلیش ارطغرل‘ میں بہادر جنگجو ’ارطغرل‘ کا مرکزی کردار ادا کرنے والے انجین التان کو اپنا کرش قرار دیتے ہوئے مائیکرو بلاگنگ سائٹ ٹوئٹر پر پیغام جاری کردیا۔قومی موقراخبار کی رپورٹ کے مطابق ٹوئٹر پر جاری کردہ پیغام میں مہوش حیات نے گزشتہ دنوں سے سوشل میڈیا پر ’ارطغرل غازی‘ کے حوالے سے

چلنے والی مثبت اور منفی بحث سے لاتعلقی کا اظہار کرتے ہوئے کہا کہ ’مجھے نہیں معلوم کہ کیا بحث چل رہی ہے لیکن یہاں میں ایک بات کو تسلیم کررہی ہوں کہ ڈرامہ ’ارطغرل غازی‘ ایک تاریخی اہمیت رکھتا ہے۔مہوش حیات نے کہا کہ ’ارطغرل غازی ایک معلوماتی ڈرامہ ہے جس میں عظیم اخلاقیات کے اسباق سکھائے گئے ہیں،اداکارہ نے لکھا کہ ’انجین التان بھی امریکی اداکار لیو نارڈو ڈی کیپریو کی طرح ہینڈ سم اور پُرکشش ہیں۔‘اُنہوں نے اپنے ٹوئٹ میں ہیش ٹیگ CrushUpdated کا بھی استعمال کیا۔یاد رہے کہ اِس تُرک سیریز کا مرکزی کردار ’ارطغرل‘ ہے جو قائی قبیلے کے سردار ’سلیمان شاہ‘ کا بیٹا اور سلطنت عثمانیہ کے بانی’عثمان اول‘ کے والد ہیں۔’دیرلیش ارطغرل‘ میں دِکھایا گیا ہے کہ کس طرح بہادر جنگجو ’ارطغرل‘ اللّہ تعالیٰ پر اپنے یقین اور اپنی طاقت سے اسلامی فتوحات حاصل کرنے میں کامیاب ہوتا ہے۔

I don’t know what the fuss is all abt? At the end of the day lets accept Dirilis #Ertugrul for wht it is; an educational drama series which has historical significance & gr8 moral lessons.I think Engin Altan Düzyatan is pretty hot. A bit like Leonardo Di Caprio no?#crushupdated♥

— Mehwish Hayat TI (@MehwishHayat) May 18, 2020