لاہور(این این آئی)مسلم لیگ (ن)پنجاب کی سیکرٹری اطلاعات عظمی بخاری نے کہاہے کہ فیاض چوہان کا نیا لیڈر سات سالوں سے انکشافات ہی کررہا ہے،عمران نیازی نے جدہ پہنچ کر نوازشریف سے شوکت خانم کیلئے 50کروڑ چندہ لیا،نمل یونیورسٹی میانوالی کیلئے زمین شہبازشریف نے دی۔عمران نیازی کی پانچ نسلیں شریف برادران کی مقروض رہیں گی۔ فیاض چوہان کے بیان پر ردعمل کا اظہارکرتے ہوئے عظمی بخاری نے کہاکہ عمران نیازی احسان فراموش اور آستین کا سانپ ہے۔یہ لوگ جس تھالی م

یں کھاتے اسی میں چھید کرتے ہیں۔شہبازشریف کے عطیات پر چلنے والا شخص آج شہبازشریف کیخلاف محاذ بنارہا ہے۔عمران نیازی سات سالوں سے کرپشن کرپشن کا شور مچارہا ہے۔عمران نیازی آج تک شریف برداران کیخلاف ایک بھی ثبوت عدالت میں نہیں دے سکے۔عمران نیازی شہبازشریف کے دس ارب ہرجانے کے دعوے سے فرار ہیں۔ انہوں نے کہاکہ بزدل شخص ہمیشہ چھپ چھپ کے وار کرتا ہے ۔بزدل خان میدان میں نواز اور شہباز کا مقابلہ کرنے کی صلاحیت نہیں رکھتا ہے۔

موضوعات:عظمیٰ بخاری