بدوملہی (آن لائن) مسلم لیگ (ن) کے جنرل سیکرٹری اور سابق وفاقی وزیر داخلہ پروفیسر احسن اقبال نے کہا ہے کہ پاکستان اناڑیوں اور کنفیوزڈ حکمرانوں کے ہاتھوں میں ہے جس کی سزا مظلوم اور مجبور عوام کاٹ رہے ہیں، نیب قانو ن میں ترمیم نہیں مکمل ختم کرنا ہوگا،حکومت سے کوئی مذاکرت نہیں ہورہے ،سپیکر پنجاب اسمبلی کو پروڈکشن آرڈر جاری کرنے کی کی سزا دی جاری ہے،چیئرمین نیب حکومت میں جگہ دے دینی چاہیے،
عمران خان انتقامی فاشسٹ مائنڈ کے تحت اپوزیشن کے خلاف کاروائیاں کر رہے ہیں، عوام مسلم لیگ ن کے سنہری دورے حکومت کو آج بھی یاد کر تی ہے، پی ٹی آئی حکومت نے مسلم لیگ ن کے جاری شدہ منصوبوں پر کام کروانے کی بجائے انہیں رکاوٹوں کی سپرد کردیا ہے، ان خیالات کا اظہار انہوں نے میڈیا سے گفتگو کرتے ہوئے کیا۔ انہوںنے کہا کہ پاکستان کو کورونا کی وبا کا سامنا ہے اس وقت دنیا میں ضابطہ اخلاق کے ساتھ اس کا مقابلہ کیا۔ مگر ابھی تک کورونا وائرس کی ویکسین تیار نہیں ہے۔ اس وقت مقابلہ موثر لاک ڈائون اور مناسب فیصلے سے کیا جاسکتا ہے ۔ پچھلے تین ماہ سے حکومتمیں فیصلہ سازی کا فقدان جوکہ کنفیوزژڈ کی علامت ظاہر کرتا ہے۔ پی ٹی آئی کی حکومت اقتدار میں آنے سے قبل لوگوںکو سبز باغ دیکھانے کے لیے مختلف حربے استعمال میں لاتی رہی مگر اس وقت جب اقتدار میں آگئی تو فیصلہ نہیں کر پارہی کہ آئی ایم ایف کے پاس جانا ہے یا نہیں ، کورونا وبا پر اب تک فیصلہ نہیں ہو پار ہا کہ لاک ڈائون میں نرمی کرنی ہے یا نہیں؟ ادھر وزیراعظم ڈائون ختم کرنے کی بات کرتے ہیں تو اُدھر صوبائی حکومت والے کہتے ہیں کہ لاک ڈائون نہیں ختم کیا جاسکتا ۔ پاکستان اناڑیوں اور کنفیوزڈ حکمرانوں کے ہاتھوں میں ہے جس کی سزا مظلوم اور مجبور عوام کاٹ رہے ہیں۔ انہوںنے کہا کہ قومی اسمبلی میں سوال ہوگا کہ حکومت نے کورونا وائرس سے نمٹنے کے لیے کیا عمل درآمد کروایا ہے۔ ا س وقت غریب ، مزدور ، دیہاڑی دار طبقے کی حالت اتنی خستہ ہوچکی ہے کہ مہنگائی اور بے روز گاری فاقہ کشی کرنے پر مجبو ر کیے ہوئے ہیں۔ مگر حکومتی دعوے کھوکھلے پن کی واضح مثال قائم کرنے میں مصروف نظر آتے ہیں۔
انہوںنے مزید کہا کہ نیب قانو ن میں ترمیم نہیں مکمل ختم کرنا ہوگا۔ حکومت سے کوئی مذاکرت نہیں ہورہے ۔سپیکر پنجاب اسمبلی کو پروڈکشن آرڈر جاری کرنے کی کی سزا دی جاری ہے۔ چیئرمین نیب حکومت میں جگہ دے دے دینی چاہیے عمران خان انتقامی فاشسٹ مائنڈ کے تحت اپوزیشن کے خلاف کاروائیاں کر رہے ہیں۔
مسلم لیگ ن نے اپنے دورے حکومت میں جو ملک کے کونے کونے میں جو ریکارڈ ترقیاتی کام کروائے وہ سب کے سامنے ہیں اور عوام مسلم لیگ ن کے سنہری دورے حکومت کو آج بھی یاد کر تی ہے ۔ مگر پی ٹی آئی حکومت نے مسلم لیگ ن کے جاری شدہ منصوبوں پر کام کروانے کی بجائے انہیں رکاوٹوں کی سپرد کردیا ہے۔
