کراچی(این این آئی)جامعہ بنوریہ عالمیہ سائٹ کے رئیس وشیخ الحدیث مفتی محمد نعیم نے کہاکہ زکوٰۃ فنڈ سے ملازمین کو تنخواہین دینادرست نہیں ہے ،اس سے غرباء اور مستحقین کا حق مارا جائے گا، زکوٰۃ کے مصارف میں مسلمان ہونے کی شرط کے ساتھ مستحق ہونا بھی ہے ،زکوٰ ۃ، صدقات اورصدقات واجبہ ادائیگی کی طرح مستحقین تک پہنچانابھی واجب ہے ۔منگل کو جامعہ بنوریہ عالمیہ میں میڈیا سے
گفتگوکرتے ہوئے مفتی محمد نعیم نے زکوٰۃ اسلام کے پانچ بنیادی ارکان میں سے بنیادی رکن اور مالی عبادات میں سب سے اہم عمل ہے اس کے بنیادی ارکان شریعت نے خود متعین کرکے دیے ہیں،جہاں زکوٰۃ دینے والوں کے لیے شرائط مقرر فرمائی ہیں، وہاں زکوۃ لینے والے بھی خود ہی بتلائے ہیں جن کے علاوہ کے لوگوں کو دینے سے ادا ہی نہیں ہوگی۔انہوںنے کہاکہ کرونا فنڈز میںزکوٰۃ دینا بھی درست نہیں کیونکہ جہاں ملکیت نہیں وہی پر اس کے استعمال بھی متعین نہیں ہے،انہوںنے کہاکہ زکوٰۃ اور صدقات واجبہ کا استعمال صرف مسلمانوں پر ضروری اس کے علاوہ غیر مسلموں کو صدقہ نافلہ دیا جاسکتاہے تاکہ وہ اسلام کے حسن اخلاق سے متاثر ہوسکے ہیں۔انہوںنے کہاکہ زکوٰۃ کوئی ہدیہ،معاوضہ بدلہ نہیں ہے، نہ ہی یہ ایسی چیز ہے جسے مفادِ عامہ کے ایسے رفاہی کاموںمیں خرچ کیا جاسکے جن سے عامۃ الناس کے فقیر وغنی فائدہ اٹھاسکیں ،نہ ہی اس کے لیے استعمال کی عام اجازت دینا کافی ہے بلکہ اس میں مستحق زکوٰۃ کو غیر مشروط طورپر مالک بنا کر اس کا قبضہ کرادینا لازمی ہے جسے مالک بن کر جس طرح چاہے وہ بلا روک ٹوک خرچ کرسکے۔
