لاہور( این این آئی )مسلم لیگ (ن) کی مرکزی ترجمان مریم اورنگزیب نے کہا ہے کہ عمران صاحب ، حکومتی وزرا ء اور ترجمانوںسے گزارش ہے کرونا کے وبا ء سے لڑنے پر توجہ دیں اورعوام کو روٹی راشن ، دیہاڑی دار اور مزدور کو ریلیف دینے پر غور کریں ۔ اپنے بیان میں
انہوں نے کہا کہ حکومتی لوگ شہباز شریف کی بجائے عوام کی فکر کریں ،شہباز شریف کی گردان کرنے سے بہتر ہے ڈاکٹرز اور طبی عملے کو حفاظتی سامان پہنچائیں ۔ انہوںنے کہا کہ عمران صاحب ، وزرا ء اور حکومتی ترجمان اپنی ترجیحات درست کریں، یہ سیاست کا نہیں عوام کی زندگی بچانے کا وقت ہے۔
