اسلام آباد (این این آئی) وفاقی وزیر برائے مواصلات مراد سعید نے کہا ہے کہ ن لیگ حکومت کا آغاز پاور کمپنیز کو بغیر آڈٹ کے 480 ارب دینے سے ہوا جو بڑا سکینڈل بن گیا۔ ایک بیان میں مراد سعید نے کہاکہ وہ شریک جرم تھے لہذا اسکینڈل دبایا،
20 سال سے مہنگے بلوں کی صورت عوام کو لوٹا جا رہا تھا۔مراد سعید نے کہاکہ نہ انکوائری کروائی گئی ،نہ کوئی رپورٹ سامنے آئی، پھر خان آیا اور انکوائری کروائی۔مراد سعید نے کہاکہ رپورٹ آئی، پتہ چلایا کہ کسطرح عوام کا خون چوسا جا رہا تھا۔
