بغداد (این این آئی)عراق میں پھنسے پاکستانیوں کی پی آئی اے کی خصوصی پرواز سے وطن روانگی کے موقع پر بغداد ائیر پورٹ پاکستان زندہ باد کے نعروں سے گونج اٹھا ۔ بدھ کو عراق میں پاکستان کے سفیر ساجد بلال اور انکے عملے نے پھنسے پاکستانیوں کوبغداد کے ہوائی اڈے سے
رخصت کیا،پھنسے مسافروں میں معذور، عورتیں، بوڑھے اور بچے بھی شامل تھے ۔ اس موقع پر بغداد ایئرپورٹ پاکستان زندہ باد کے نعروں سے گونج اٹھا،مسافروں نے تہہ دل سے پاکستان کی سلامتی اور بقا کیلئے دعائیں مانگیں۔ایمبیسڈر ساجد بلال نے جہاز کے عملے سے بھی ملاقات کی اور انکی خدمات کو سراہا۔
