تل ابیب(این این آئی)قابض صہیونی ریاست (اسرائیل) میں کرونا وائرس کے باعث پہلے مریض کی ہلاکت کی تصدیق کی گئی ہے۔ دوسری طرف 20 نئے کیسز سامنے آئے ہیں جب کہ 18 افراد صحت یاب ہوگئے ہیں۔ متاثرین میں 19 فوجی بھی شامل ہیں۔مرکزاطلاعات فلسطین کے مطابق اسرائیلی ریاست میں 274 افراد کو کرونا کے علاج کے لیے اسپتالوں میں منتقل کیا گیا ہے جب کہ 178 افراد

صحت مند ہوگئے ہیں۔اسرائیل میں کرونا سے متاثر ہونے والیمریضوں کی تعداد 833 ہو گئی ہے۔اسرائیلی ریاست کی وزارت صحت کی طرف سے جاری ایک بیان میں شہریوں پر زور دیا گیا ہے کہ وہ ضروری کام کے علاوہ اپنے گھروں سے باہر نہ نکلیں اور اپنی اقتصادی، سماجی اور دیگر سرگرمیوں کو محدود رکھیں۔ فلسطینی وزارت صحت کے مطابق غرب اردن میں کرونا کے 17 مریض صحت یاب ہوگئے ہیں۔