بنوں (این این آ ئی) سنٹرل جیل بنوں میں پچیس سالہ سز ا یافتہ قیدی اختر نیاز خان زندگی کی بازی ہار گیا، قیدی کو دمہ کی تکلیف ہو گئی اور ساتھ خون کی الٹیاں کی فوری طور پر جیل ہسپتال لایا گیا لیکن وہ دم توڑ چکا تھاذرائع کے مطابق بنوں کے علاقہ کنگر سے تعلق رکھنے والا قیدی اختر نیاز نے بار بار جیل انتظامیہ سے بار بار اصرار کیا تھا کہ

وہ سخت بیمار ہیں لہذاباہر سے ٹیسٹ کرانے کی اجازت دی جائے تاکہ بروقت علاج کر سکیں لیکن اُن کو اجازت نہیں دی گئی قیدیوں کو مختلف بیماریاں درپیش ہوتی ہیں لیکن باہر کے ہسپتال یا اعلیٰ لیبارٹریوں سے ٹیسٹ کرانے کی اجازت نہیں دی جاتی بعض ذرائع یہ بھی خدشہ ظاہر کر رہے ہیں کہ اُن کی موقت کرونا واائرس کے باعث ہوئی ہے کیونکہ سنٹرل جیل بنوں میں آنے جانے والوں کی اسکریننگ کیلئے کوئی انتظام نہیں ،جیل انتظامیہ کا کہنا ہے کہ قیدی کو کافی عرصہ سے کالا یرقان تھا اور وہ دل کا دورہ پڑنے سے انتقال کر گیا ادھر ڈسٹرکٹ ہیلتھ آ فیسر عبدالحمید داؤڑ سے رابطہ کرنے پر اُنہوں نے بتایا کہ ابھی تک بنوں میں کوئی مشتبہ کیس بھی سامنے نہیں آیا ہے اُنہوں نے کہا کہ چین سے آٹھ شہری اور ایران سے چھ شہری بنوں آ ئے ہیں اُن کی باقاعدگی اسکریننگ کی گئی ہے جس میں کوئی کرونا وائرس کی تشخیص نہیں ہو ئی ہے ہم اس عالمی وباء پر کڑی نظر رکھے ہوئے ہیں اور بنوں کے تمام ہسپتالوں میں کرونا آئسو لیشن وارڈ قائم کئے ہیں لہذا جیل میں قیدی کی موت کرونا سے نہیں ہوئی ہے ۔