ننکانہ صاحب(این این آئی)سانگلہ ہل کی خواجہ سرابرادری نے بھی کورونا وائرس کے خلاف حکومتی احکامات کے مطابق لڑنے کا اعلان کر دیا، حلقہ بھر میں شادی بیاہ و دیگر تقریبات پر جا کر ناچ گانا بند کردیا اور خواجہ سراؤں نے اپنے کنگرو ڈھولکیاں اور چمٹے کمروں میں رکھ کر تالے لگا دیے ۔

اس سلسلہ میں خواجہ سرا برادری کے نمائندہ افراد کا ایک اجلاس گرو میڈم عاشی کے رہائشگاہ پر ہوا جس میں خواجہ سراؤں نے حکومت کی طرف سے بتائی جانے والی حفاظتی تدابیر کے پیش نظر اپنے آپ کو ایک دوسرے سے دو 2تین3فٹ کے فاصلے پر رکھا اور اجلاس کے دوران کھانے پینے کی اشیاء وہ خود اپنے ساتھ لائے تاکہ کھانے پینے کیلئے وہ ایک دوسرے کے قریب نہ ہو سکیں تاکہ کورونا وائرس کے اٹیک سے بچا جا سکے ،خواجہ سراؤں کے مطابق انہوں نے یہ فیصلہ ملکی سلامتی اور عوام کی بھلائی کے پیش نظر کورونا وائرس سے بچنے کیلئے رضاکارانہ طور پر کیا ہے ۔انہوں نے کہا ہے کہ ہم نہ ناچ گانا کریں گے اور نہ لوگ جمع ہونگے اجلاس کے آخر پر اس وقت یہ تقریب قسط زعفران بن گئی جب ایک دم خواجہ سرا رخسار شہزادی نے اٹھ کر بلند ااواز میں کہا کہ اگر مجھے کورونا مل جائے تو میںاس کو نچوڑ کر رکھ دوں گی۔