نیو یارک (مانیٹرنگ ڈیسک)کرونا وائرس اس وقت 120سے زائد ممالک میں پھیل چکا اور عوام خوف کے باعث گھروں میں قید ہو کر رہ گئی ہے ۔ ہر شخص اپنا بچائو کیلئے احتیاطی تدابیریں کر رہا ہے ۔ جبکہ حکومتوں کی جانب سے کسی بھی قسم کے عوامی اجتماعات سے گریز کرنے کیلئے پابندی بھی لگائی ہے ۔ تاہم سماجی رابطے کی ویب سائٹ ٹویٹر پر دلہن نے

اپنی شادی میںشرکت نہ کرنے والوں کو دھمکی دی ہے کہ اگر جو کوئی کرونا وائرس کے ڈر سے میری شادی میں شرکت نہیں کرے گا وہ میرے لیے مرگیا ۔ امریکا کی رہائشی خاتون دلہن نے اپنے پیغام میں لکھا ہے کہ ’’ایسے کسی بھی مہمان سے زندگی بھر کا تعلق توڑ دوں گی جو میری شادی میں شریک نہیں ہو گا ۔ جبکہ دلہن کی شادی آئندہ ماہ میںہو گی جس کی تیاریاں مکمل کر دی گئیں ہیں ۔ دلہن ریڈ اٹ نے پوسٹ میں لکھا کہ ’میں نے مہمانوں کی آمد کیلئے ہزاروں ڈالر خرچ کیے ہیں اگر ایسے میں کوئی مہمان کرونا وائرس کا بہانہ بنا کر نہیں آتا تو وہ میرے لیے مر گیا ۔ پوسٹ پر سوشل میڈیا صارفین نے دلچسپ جوابات دیئے کہ بی بی یہاں جوش نہیں بلکہ ہوش دکھائو اگر واقعہ چاہتی ہو کہ مہمان تمہاری شادی میں شرکت کریں تو اپنی شادی کچھ روز کیلئے ملتوی کر دو ۔