اقامہ ہولڈرز کی واپسی کیلئے پاکستان ائیر لائن( پی آئی اے )نے خصوصی پروازیں چلانے کا فیصلہ کر لیا ۔ تفصیلات کے مطا بق سعودی عرب کی طرف سے اقامہ ہولڈرز کو 72گھنٹے میں ملک چھوڑنے کی ڈیڈلائن دی گئی تھی جس کے بعد پی آئی اے نے خصوصی پروازیں چلانے کا اعلان کیا ہے ۔ قبل ازیں سعودی عرب نے کورونا وائرس کے پھیلاؤ کے خدشے کے پیش نظر پورے ملک کو

لاک ڈاؤن کرنے کا فیصلہ کیا ہے۔ایک نجی ٹی وی چینل کی رپورٹ کے مطابق سعودی عرب نے اس فیصلے سے ائیر لائنز اور تمام ممالک کو آگاہ کر دیا ہے، اس فیصلے کے مطابق تمام عمرہ زائرین اور وزٹ ویزے پر آنے والوں کو 72 گھنٹوں میں سعودی عرب چھوڑنا ہو گا۔اس کے علاوہ سعودی اقامہ اور ریزیڈنسی رکھنے والے پاکستانیوں کو 72گھنٹوں میں سعودی عرب چھوڑنے کا، واپس آنے کا آپشن دیا گیا ہے، اگر ملک کو ایک بار لاک ڈاؤن کردیا گیا تو پھر کسی کو بھی جانے یا آنے کی اجازت نہیں ہو گی۔اس اعلان کے بعد پاکستانی شہریوں کو واپس لانے کے لئے پی آئی اے نے ہنگامی اقدامات شروع کر دیے ہیں۔پی آئی اے کی جانب سے اضافی پروازوں کا اعلان کر دیا جائے گا جو سعودی عرب سے پاکستانی شہریوں کو واپس لائیں گی۔