لاہور( این این آئی )عالمی اقتصادی فورم نے وفاقی وزیر برائے اقتصادی امور حماد اظہر کا نام نوجوان عالمی رہنمائوں کی فہرست میں شامل کرلیا ہے ۔میڈیا رپورٹ کے مطابق ورلڈ اکنامک فورم کی جانب سے نوجوان عالمی رہنمائوں کی جاری کردہ فہرست میں حماد اظہر کا نام 114 نوجوان عالمی رہنمائوں میں شامل ہے ، انہیں ادارے کی جانب سے یہ اعزاز کم عمر وزیر بننے اور اچھے انداز سے سیاسی خدمات انجام دینے پر دیا گیا۔بین الاقوامی ادارے کی جانب سے جاری

ہونے والی رپورٹ میں اگر جنوبی ایشیا ء کی بات کی جائے تو حماد اظہر کو دوسرا نمبر دیا گیا ہے۔علاوہ ازیں پاکستانی خاتون صحافی کا نام بھی فہرست میں شامل کیا گیا۔ حماد اظہر کا کہنا ہے کہ نوجوان عالمی رہنمائو ںکی فہرست میں نام شامل ہونا میرے لیے بہت فخر کی بات ہے۔ڈبلیو ای ایف کی جانب سے یہ اعزاز چالیس سال سے کم عمر ایسے شخص کو دیا جاتا ہے جو سول سوسائٹی، ثقافت، کلچر، کاروبار یا سرکاری سطح پر اپنی صلاحیتوں کا لوہا منوائے۔