لاہور(آن لائن)وزیر اطلاعات پنجاب فیاض الحسن چوہان نے کہا ہے کہ برطانوی اہلکاروں نے نواز شریف سے ایک مجرم کی حیثیت سے ملاقات کی، برطانوی اہلکاروں نے نواز شریف کو وطن واپس جانے کا کہا ہے۔ میری درخواست ہے کہ لیگی قائدین اپنی اعلی قیادت کو وطن واپس آنے کا کہیں۔وزیر اطلاعات پنجاب فیاض الحسن چوہان نے لاہور ٓمیں تقریب سے خطاب میں نواز شریف کے حوالے سے کہا کہ وفاق اور پنجاب میں کم از کم 50/50 ارکان اسمبلی مسلم لیگ ن سے منحرف ہو چکے ہیں، نشاط ڈھاہا کی قیادت میں وزیراعلی

سے ملنے والے وفد کے بعد لیگی قائدین کی آنکھیں کھل جانی چاہیئے،نواز شریف صاحب کو بیرون ملک بھیجنے کا فیصلہ عدالت نے کیا، حکومت نے انسانی ہمدردی کی بنیاد پر نواز شریف کو باہر جانے کی اجازت دی۔بھارت میں مسلمانوں پر کئے جانے والے طلم و ستم کے بارے میں انہوں نے کہا کہ اسلام دشمن طاقتیں اور بھارت نے آج تک پاکستان کو دل سے تسلیم نہیں کیا، نریندر مودی کو ایک سازش کے تحت بھارت کا وزیراعظم بنایا گیا ہے، نواز شریف قصائی نریندر مودی کی سازش کو نہیں سمجھ سکے۔

موضوعات:فیاض الحسن چوہان