لاڑکانہ(این این آئی) خواتین کا عالمی دن، لاڑکانہ میں عورت نے مبینہ طور پر پھندا ڈال کر خودکشی کرلی جبکہ مقامی آڈیٹوریم میں خواتین کے معاشرے میں بنیادی حقوق کے عنوان سے تقریب کا انعقاد کیا گیا تفصیلات کے مطابق خواتین کے عالمی دن کے حوالے سے لاڑکانہ لیبر حال میں تقریب کا انعقاد خاکسار تحریک کی سربراہ ڈاکٹر صبیحہ مغل کی زیر صدارت منعقد کیا گیا۔

اس موقعہ پر ڈاکٹر صبیحہ ارشد مغل، میڈم شیبا مغل،ڈاکٹر مظہر مغل اور روشن برڑو نے خطاب کرتے ہوئے کہا کہ خواتین کو اپنے حقوق دئے جائیں عورت دائرہ اختیار مین زندگی بصر کریں۔میرا جسم میری مرضی کے بجائے میری زندگی میری مرضی کالفظ استعمال کیا جاتا تو اشو نہ بنتا۔ والدین نے ہمیں سب کچھ عطا کیا ہے ہمین ان کی عزت کا خیال کرنا چائیئے میرا جسم میری مرضی کا نظریہ سمجھ سے باہر ہے۔ خواتین کو اللہ پاک نے جو مقام عطا کیا ہے اس کو پہچاننے کی ضرورت ہے۔ انہوں نے کہا کہ سندہ میں عورت قبائلی تصادم کے لئے مفاہمت کے لئے جاتی ہیں تو 10۔ 10۔ خون معاف کرکے افہام و تفہیم کے پلیٹ فارم پر چلے آتے ہیں۔ تقریب میں عالمی دن کے موقعہ پر لاڑکانہ میں خاتون کی خود کشی کی تحقیقات کا مطالبہ کیا ۔ دوسری جانب خواتین کے عالمی دن کے موقع پر لاڑکانہ رحمت پور تھانے کی حد نظر محلے میں پولیس اہلکار کی بیوی پانچ بچوں کی ماں 35 سالا عشرا عمرانی نے گھریلو تنازعے پر پنکھے سے لٹک کر گلے میں مبینہ دوپٹہ کا پھندا ڈال کر اپنی زندگی کا خاتمہ کرلیا۔ خاتون کی لاش چانڈکا اسپتال میں پوسٹمارٹم کے بعد ورثا کے حوالے کر دی گئی۔ پولیس اہلکار کی بیوی ہونے کے باعث مقدمہ درج نہیں ہوا۔