اسلام آباد (یواین پی)وزیراعظم عمران خان نے خواتین کے عالمی دن پر پیغام جاری کر دیاہے جس میں انہوں نے کہا کہ خواتین کو مساوی حقوق اور مواقع یقینی بنانے کیلئے عزم کا اظہار کرتے ہیں۔ تفصیلات کے مطابق وزیراعظم عمران خان کا اپنے پیغام میں کہا ہے کہ خواتین کے حقوق کیلئے ہر ممکن کوششیں کرنے کے عزم کا اعادہ کرتے ہیں، مذہب اور سیرت رسول ؐ اور بنیادی اقدار سے رہنمائی حاصل کر رہے ہیں۔

انہوں نے کہا کہ حوصلہ افزا بات ہے خواتین ہر شعبے میں صلاحیتوں کو ثابت کر رہی ہیں، خواتین، قومی اور عالمی سطح پر شعبوں میں فوقیت حاصل کر رہی ہیں۔ ا نہوں نے کہا ہے کہ خواتین کو مساوی مواقع اور ساز گار ماحول فراہم کیا جانا ضروری ہے، ایسے ہی جامع، پائیدار سماجی و معاشی ترقی یقینی بنائی جا سکتی ہے۔ عمران خان نے کہا کہ وہ اقدامات کریں گے جو خواتین کی حفاظت، خوشحالی میں مددگار ہوں۔