لاہور( این این آئی )پاکستان مسلم لیگ(ن) نے معاون خصوصی برائے اطلاعات ڈاکٹر فردوس عاشق اعوان سے استعفے کے مطالبے کی قرارداد پنجاب اسمبلی سیکرٹریٹ میںجمع کر ادی ۔رکن اسمبلی ربیعہ نصرت کی جانب سے جمع کرائی گئی قرارداد کے متن میں کہا گیا ہے کہ ڈاکٹر فردوس عاشق اعوان اور حکومتی ترجمان سابق وزیراعظم نواز شریف کی بیماری پر مسلسل جھوٹ بول رہے ہیں،
حکومت عوام کی توجہ مہنگائی سے ہٹانے کے لیے نواز شریف کی بیماری پر سیاست کر رہی ہے ۔ڈاکٹر فردوس عاشق اعوان نے نواز شریف کی بیماری پر جھوٹ بول کر مشرقی روایات کا جنازہ نکال دیا ہے۔سابق وزیراعظم نواز شریف تمام قانونی تقاضے پورے کرکے بیرون ملک علاج کے لیے گئے۔ عدالتی حکم کے مطابق ان کیمیڈیکل رپورٹس حکومت کو تواتر کے ساتھ جمع کرائی گئیں۔ڈاکٹر فردوس عاشق اعوان نے نواز شریف کی بیماری پر جھوٹ بو لا ہے اس لئے وہ اپنے عہدے پر رہنے کے قابل نہیں۔مطالبہ ہے کہ فوری طور پر قوم سے معافی مانگتے ہوئے اپنے عہدے سے مستعفی ہوں۔
