راولپنڈی (این این آئی)ویڈیو اسکینڈل کیس کے مرکزی کردار ناصر بٹ کے خلاف 24 سال پرانا تہرا قتل کیس ری اوپن ہو گیا ،ماڈل کرمنل کورٹ کے ایڈیشنل سیشن جج راجہ شاہد ضمیرنے ناصر بٹ کے ناقابل ضمانت وارنٹ گرفتاری جاری کر دیئے ۔ جمعرا ت عدالت نے پولیس کو ملزم کو گرفتار کر کے پیش کر نے کی ہدایت کی ہے ،
آئندہ سماعت دس مارچ کو ہوگی ۔یاد رہے کہ 15 اکتوبر 1996 کو چاندنی چوک پر فائرنگ کے نتیجے میںپجارو میں سوار تین افراد جا ں.بحق ہوئے تھے،مقتولین میں دو سگے بھائی انوار الحق .اکرام.الحق اور گلفراز عباسی ڈرائیورشامل تھے،صادق آباد پولیس نے ناصر بٹ سمیت سات ملزمان کے خلاف مقدمہ نمبر 345 بجرم 302.148.149.اور 109 کی دفعات کے تحت مقدمہ درج کیا تھا ،ناصر بٹ اس مقد مے میں اشتہاری رہا حال ہی میں سندھ ہائی کورٹ سے ضمانت کے بعد شامل تفتیش ہوا تھا ، علاقہ مجسٹریٹ نے پولیس کی جانب سے ناصربٹ کو بے گناہ قرار دیکر ڈسچارج کرنے کی درخواست وریکارڈ سیشن جج کو بھجوایا تھا، کیس مارکنگ کے بعد ماڈل کورٹ میں پولیس نے چالان پیش کیا تھا ، ابتدائی سماعت کے بعد عدالت نے پراسیکیوشن سے تمام ریکارڈ طلب کر رکھا تھا ،کیس بند ہونے سے قبل ملزم جہانزیب بٹ کیفرار ہونے پر عدالت اسے مفرور قرار دے چکی ہے ،دیگر پانچ ملزمان عدالت نے بری ہوچکے تھے۔
