لاہور( این این آئی)ناموراداکارہ ریشم نے کہا ہے کہ خلیل الرحمان قمر پاکستان کی پہچان ہیں لیکن انہوں نے ٹی وی پر بیٹھ کر ایک خاتون کیلئے جس طرح کے الفاظ استعمال کئے ہیں اس کے بعد انہوں نے اپنی ایک ٹکے کی عزت نہیں چھوڑی ۔ نجی ٹی وی کے پروگرام میں گفتگو کرتے ہوئے اداکارہ نے کہاکہ ہم سب خلیل الرحمان کابے حد احترام اور انہیں عزت دیتے ہیں اور کسی کو بھی یہ اچھانہیں لگ رہا کہ ان کیخلاف کوئی بات کی جائے ۔ انہوں نے

اپنے شہرہ آفاق ڈرامہ ’’میرے پاس تم ہو ‘‘میں ایک عورت کیلئے دوٹکے کے ڈائیلاگ لکھے لیکن میں یہ کہوں گی کہ انہوں نے ٹی وی پر بیٹھ کر خاتون کیلئے جس طرح کے الفاظ ادا کئے ہیں اس کے بعدان کی اپنی ایک ٹکے کی عزت باقی نہیں رہی ۔ لاکھوں لوگ جو ان سے پیا رکرتے ہیں انہیں شدید دھچکالگاہے ۔ریشم نے کہا کہ میں پیمرا سے پوچھتی ہوں اگر تنقید پر ٹی وی اینکراورسیاستدانوں پر توپاپندی لگ سکتی ہے مگر آج پیمرا کہاں ہیں۔