لاہور( این این آئی)پنجاب حکومت نے عوام کو سفر کی بہترین سہولیات کی فراہمی اورماحولیاتی آلودگی اور سموگ پر قابو پانے کیلئے پبلک ٹرانسپورٹ کو ڈیزل سے ہائبرڈپر منتقل کرنے کا حتمی فیصلہ کر لیا ، جلد 300الیکٹرک ہائبرڈ بسوں کی خریداری کا عمل شروع کیا جائے گا۔ پنجاب حکومت کی ترجمان مسرت جمشید چیمہ کے مطابق
لاہور سمیت مختلف شہروں کی پبلک ٹرانسپورٹ کی ضروریات کو پورا کرنے کیلئے نئی الیکٹرک وہیکل پالیسی کے تحت 300الیکٹرک ہائبرڈ بسیں خریدنے کا فیصلہ کیا گیا ہے ۔ انہوں نے کہا کہ اس اقدام سے عوام کو سفر کی بہترین سہولیات میسر آنے کے ساتھ ماحولیاتی آلودگی اور سموگ پر قابو پانے میں بھی مدد ملے گی ۔
