اسلام آباد (این این آئی)پیٹرولیم لیوی بڑھانے کا معاملہ، پاکستان پیپلز پارٹی نے حکومت کا فیصلہ مسترد کر دیا۔ ایک بیان میں شیری رحمن نے کہاکہ حکومت نے پیٹرولیم لیوی 106 فیصد تک بڑھا دی ہے، عالمی منڈی میں تیل کی قیمتیں کم ہو رہی۔شیری رحمان نے کہاکہ نیا پاکستان میں پیٹرولیم مصنوعات پر ٹیکس بڑھ رہے، پیٹرولیم مصنوعات سستی ہونی چاہئیں۔

انہوںنے کہاکہ 4 کھرب 80 ارب روپے کا ریونیو شارٹ فال حکومت اپنی نااہلی کی وجہ سے ہے، حکومت اپنی نااہلی کی سزا عوام کو دے رہی۔شیری رحمان نے کہاکہ پیٹرولیم لیوی بڑھانے سے عوام پر بوجھ پڑے گا، پیپلز پارٹی کے دور میں تیل کی عالمی منڈی میں قیمت 120 ڈالر فی بیرل تھی لیکن ملک میں تیل کی قیمت 63 روپے لیٹر رہی۔ انہوںنے کہا کہ اس وقت عالمی منڈی میں تیل کی قیمت 50 ڈالر فی بیرل ہے، مہنگائی سرکار عوام پیٹرول 112 روپے لیٹر بیچ رہی ہے۔شیری رحمان  نے کہاکہ عالمی منڈی میں تیل کی قیمت میں 19 فیصد کمی ہوئی ہے، مہنگائی سرکار نے پیٹرولیم مصنوعات میں صرف 4 فیصد کمی کی ہے۔انہوںنے کہاکہ حکومت نے ملکی زراعت اور صنعت کو تباہ کر دیا ہے۔‎

موضوعات:پیٹرولیم لیوی