اسلام آباد(مانیٹرنگ ڈیسک)سینئر صحافی حامدمیر اٹارنی جنرل انور منصور خان کی جانب سے استعفیٰ دیئے جانے پر چپ نہ رہے اور حکومت کو مشورہ دیا ہے کہ وہ جسٹس قاضی فائز عیسیٰ کیخلاف ریفرنس واپس لے لے۔تفصیلات کے مطابق اٹارنی جنرل انور منصور خان کی جانب سے استعفیٰ دیئے جانے پر سینئر صحافی حامد میر بھی بول اٹھے ہیں۔ سماجی رابطے

کی ویب سائٹ ٹویٹر پر جاری کئے گئے ایک بیان میں انہوں نے کہا ہے کہ ’’اٹارنی جنرل انور منصور خان نے الزام لگایا تھا کہ جسٹس قاضی فائز عیسیٰ کا جواب تیار کرنے میں سپریم کورٹ کے کچھ ججوں نے انکی مدد کی ان سے الزام کا ثبوت مانگا گیا تو پیش نہ کر سکے ،قاضی فائز عیسیٰ کے خلاف ریفرنس ایک مذاق بن چکا ہے، بہتر یہی ہو گا کہ حکومت ریفرنس واپس لے کر عزت بچائے‘‘۔

موضوعات:حامد میر