چونیاں (این این آئی)چونیاں میں نجی کلینک پر زچگی کیلئے آنے والی خاتون جان سے ہاتھ دھو بیٹھی۔پولیس کے مطابق چونیاں میں قصور روڈ پر واقع نجی کلینک میں عطائی ڈاکٹر نے زچگی کیلئے آنے والی خاتون سونیا کا آپریشن کیا جس کے فوری بعد خاتون کی حالت بگڑ گئی اور وہ دم توڑ گئی، اس کا نومولود بیٹا
زندہ رہا۔واقعہ کے بعد خاتون کے لواحقین نے کلینک پر توڑ پھوڑ شروع کر دی، پولیس نے موقع پر پہنچ کر صورت حال کو کنٹرول کیا، ضلعی انتظامیہ نے کلینک سیل کر دیا۔سونیا کے اہلخانہ نے کلینک انتظامیہ کے خلاف سخت کارروائی کا مطالبہ کیا ہے جبکہ سونیا کی لاش پوسٹ مارٹم کے لیے تحصیل ہیڈ کوارٹر اسپتال منتقل کر دی گئی ہے۔
