اسلام آباد(این این آئی)اسلام آباد میں اقوام متحدہ کے فوجی مبصر دفتر کے باہر احتجاجی مظاہرہ کیا گیااور مظاہرے کے شرکاء نے اس موقع پر ایک یادداشت پیش کی ۔ کشمیرمیڈیاسروس کے مطابق مظاہرے کا اہتمام سوسائٹی کے ارکان نے کیا تھا ،جس میں تمام شعبہ زندگی سے تعلق رکھنے والے لوگوںکی بڑی تعداد نے شرکت کی ۔ مظاہرے کے شرکاء نے اقوام متحدہ کے دفتر میںایک یادداشت پیش کی
جس میں اقوام متحدہ کے سربراہ انتونیو گوتریس پر زور دیا گیا ہے کہ وہ اقوام متحدہ کے قراردادوں کے مطابق مسئلہ کشمیر کے حل میں اپنا اہم کردار ادا کرے۔ مظاہرے میں شریک کشمیری رہنمائوں میں اعجاز رحمانی، مشتاق الاسلام ، منظور احمد شاہ ، منظورالحق بٹ ، داؤد یوسف زئی ، سلیم ہارون ، محمد شفیع ڈار ، سلیم وانی ، عبدالحمید لون ، راجہ نجابت حسین اور عظمیٰ گل شامل تھے۔
