لاہور( این این آئی ) موٹر وے پولیس کے اہلکار نے زخمی کی جان بچاتے ہوئے اپنی جان کا نذرانہ پیش کر دیا ۔ تفصیلات کے مطابق موٹروے سیال موڑ کے قریب دوران سفر ڈرائیور کے سو جانے کی وجہ سے ٹرک دوسرے ٹرک سے جا ٹکرا یاجس کے نتیجے میں تین افراد زخمی ہو گئے۔حادثے کی اطلاع پاتے ہی موٹروے پولیس موقع پر پہنچ گئی اور امدادی کارروائیوں کا آغاز کر دیا ۔ امدادی کارروائی کے دوران ایک بس LES 1086 نے اسسٹنٹ پیٹرول
آفیسر نورمحمد کو ہٹ کیا جس کی وجہ سے وہ شدید ہوگیا جسے ڈسٹرکٹ ہیڈ کوارٹر ہسپتال پنڈی بھٹیاں منتقل کیا گیا جہاں وہ زخموں کی تاب نہ لاتے ہوئے خالق حقیقی سے جا ملا۔بس ڈرائیور اور عملہ حادثے کے بعد موقع سے فرار ہ گیا جن کی تلاش جاری ۔ ترجمان موٹر وے پولیس نورمحمد نے سوگواران میں بیوی اور چار بچے چھوڑے ہیں۔ڈی آئی جی موٹروے اشفاق احمد نے واقعے پر انتہائی رنج و غم کا اظہار کرتے ہوئے سوگواران سے ہمدردی کا اظہار کیا ۔
