اسلام آباد(مانیٹرنگ ڈیسک)جیون ساتھی اڈیالہ جیل میں بند قیدی سے تنہائی میں بھی ملاقات کر سکیں گے ۔ تفصیلات کے مطابق سپریٹنڈنٹ اڈیالہ جیل نے جیل کے دورے پر آئے صحافیوں کو سے بات چیت کرتےہوئے بتایا کہ 2175قیدیوں کی گنجائش والی اس جیل میں اس وقت تقریباً 5040قیدی بند ہیں ۔
جیل سپرٹنڈنٹ نے صحافیوں کوجیل کے مختلف حصوں کا دورہ بھی کرایا ، جن میں میس ، ہسپتال ، کیچن اور فیکٹری شامل ہے ۔ صحافیوں کے سوالات پر سپریٹنڈنٹ اڈیالہ جیل کا کہنا تھا کہ جیل کے اندر 150کے قریب فیملی کوارٹر ز بھی تعمیر کیے گئے ہیں طریقہ کار طے ہونے کے بعد ملاقاتیوں کو اجازت دی جائے گی ۔
