لاہور (مانیٹرنگ ڈیسک ) ایدھی سینٹر لاہور میں پْراسرار طور پرجاں بحق ہونے والی اقرا کائنات کے حوالے سے نئے انکشافات سامنے آئے ہیں ۔روزنامہ 92 میں شائع رپورٹ کے مطابق پولیس کے مطابق کاشانہ ٹاؤن شپ سے شادی کرکے جانے والی اقرا کائنات نے 17 دسمبر کو اپنا بیان باغبانپورہ پولیس کو دیا تھا ،بیان میں اقرا کائنات نے بتایا تھاکہ اْس کے شوہر نے اسے بلیچ پلایا جس سے اس کے معدے میں انفیکشن ہوا جبکہ کاشانہ کی سپرنٹنڈنٹ افشاں لطیف نے نہ صرف اس کی زبردستی شادی کرائی بلکہ

عمربھی زیادہ لکھائی تھی، اس کی عمر صرف 14 سال ہے ۔دوسری جانب کاشانہ کی سابق سپرنٹنڈنٹ افشاں لطیف نے الزامات کی تردید کرتے ہوئے کہا کہ اقرا کائنات کی مرضی سے شادی ہوئی تھی۔انہوں نے کہا کہ محکمہ سوشل ویلفیئر کی اجازت کے بعد باقاعدہ شادی کی گئی جس کی تمام دستاویزات بھی موجود ہیں۔ تاہم ایس پی صدر کا کہنا ہے کہ اقرا کے بیان اور پوسٹ مارٹم کی رپورٹ کی روشنی میں قانونی کارروائی کی جائے گی اور اس ہلاکت میں ملوث تمام افراد کو گرفتار کیا جائیگا۔