اسلام آباد۔۔۔ پاکستان کا کہنا ہے کہ رواں ماہ 26۔ 27 نومبر کو نیپال میں منعقد ہونے والی سارک کانفرنس کے دوران ہندوستان کی جانب سے کار فراہم کرنے کی کوئی پیشکش نہیں کی گئی تو مسترد کرنے کا تو سوال ہی پیدا نہیں ہوتا۔واضح رہے کہ رواں ہفتے خبر سامنے آئی تھی کہ وزیر اعظم نواز شریف نے آئندہ ہفتے کٹھمنڈو میں ہونے والی سارک کانفرنس کے موقع پر ہندوستان کی جانب سے فراہم کردہ بلٹ پروف گاڑی استعمال کرنے سے انکار کردیا ہے۔جس پر نیپالی وزارت خارجہ کے ترجمان کھاگا ناتھ ادھی کاری کا کہنا تھا کہ نواز شریف اپنی گاڑی ساتھ لے کر آئیں گے جبکہ دیگر ملکوں کے سربراہوں کو ہندوستان سے برآمد شدہ گاڑیاں فراہم کی جائیں گی۔