کراچی (این این آئی) وزیراعلی سندھ مراد علی شاہ کے چیمبر میں چوہوں کے ڈیروں سے اسٹاف پریشان ہیں، اس سلسلے میں وزیراعلی سیکریٹریٹ نے سیکریٹری سندھ اسمبلی کوانتباہی خط لکھ دیا ہے، جس میں کہا ہے کہ چوہوں کے خاتمے کے لیے گولیاں رکھی جائیں۔
تفصیلات کے مطابق کروڑوں روپے کے فنڈز کے اجرا کے باوجود وزیراعلی کا دفتر زبوں حالی کا شکار ہے، وزیراعلی سندھ کے چیمبر میں چوہوں کے ڈیروں نے اسٹاف کو پریشان کردیا ہے۔وزیراعلی سیکریٹریٹ نے سیکریٹری سندھ اسمبلی کوانتباہی خط لکھ دیا ہے، خط میں کہا گیا سندھ اسمبلی میں وزیراعلی چیمبر کی مرمت کیوں نہیں کی گئی، وزیراعلی چیمبر کا فرنیچر،پردے اور الیکٹرانکس آئٹم غیرمعیاری ہیں۔خط میں مزید کہا گیا خطوط کیباوجودوزیراعلی چیمبرکی مرمت نہ ہوناافسوسناک ہے،وزیراعلی ہاس وزیراعلی چیمبر کی مرمت اور تزئین و آرائش کے لیے محکمہ خزانہ کروڑوں جاری کر چکا ہے، بتایا جائے کہ وزیراعلی چیمبر کی مرمت کیوں نہیں کی گئی۔خط کے متن میں کہا گیا وزیراعلی چیمبر میں چوہوں کے خاتمے کے لیے گولیاں رکھی جائیں۔یاد رہے سندھ اسمبلی میں چوہوں نے الیکٹرک کی تاریں کاٹ دیں تھیں، جس کے سبب ایوان کے سانڈ سسٹم نے کام کرنا چھوڑ دیا تھا۔ارکان سندھ اسمبلی نے عارضی انتظامات کے تحت لائے گئے مائیک پر اظہار خیال کیا، اسپیکر آغا سراج درانی کا کہنا تھا کہ کسی نے چوہے ایوان میں چھوڑ دئیے ہیں۔انتظامیہ کا کہنا تھا کہ چوہوں کے لیے روٹی و دیگر چیزیں رکھ دی گئی ہیں تاکہ وہ اس میں آکر پھنس جائیں لیکن وہ جھانسے میں نہیں آرہے۔
