پشاور (آن لائن)خیبر پختونخوا اسمبلی کے 10باغی اراکین کو نوٹسز جاری کرتے ہو ئے وضاحت طلب کر لی گئی ہیں نوٹس کا جواب نہ دینے پر ان کے خلاف پارٹی قانون کے تحت کاروائی عمل میں لائی جائیگی اس سے قبل پاکستان تحریک انصاف کے سربراہ عمران خان نے شہرام خان ترکئی، عاطف خان اور شکیل خان سے وزارتیں واپس لی گئی تھی دس باغی اراکین اسمبلی کی نشاندہی بھی کی گئی تھی ذرائع نے بتایا ہے کہ دس باغی اراکین اسمبلی کو پارٹی کے سیکرٹریٹ کی جانب سے نوٹسز موصول ہو گئے ہیں

جن میں سے بعض اراکین نے شوکاز نوٹسز وصول کرلئے ہیں جبکہ بعض نے شوکاز نوٹسز وصول نہیں کیا ہے ذرائع نے بتایاہے کہ باغی اراکین کی نشاندہی کی گئی تھی جس پر انہیں شوکاز نوٹس جاری کیا گیا تاہم تحریک انصاف نے اس سے لاعلمی کا اظہار کیا ہے دس باغی اراکین اسمبلی کے خلاف کاروائی دوسرے مرحلے میں لائی جائیگی دس باغی اراکین اسمبلی کو نوٹس کا جواب ایک ہفتے میں دینے کی ہدایات کی گئی ہیں اور نوٹس کا جواب نہ دینے پر ان کیخلاف مزید کاروائی عمل میں لائی جائیگی۔