لاہور(این این آئی) ہیئر کے علاقے میں بیٹیوں کی پیدائش پر خاتون کے مبینہ قتل کے معاملہ پرمقتولہ ارم اقبال کی پوسٹمارٹم رپورٹ میں تشدد کی تصدیق ہوگئی۔پوسٹمارٹم رپورٹ کے مطابق مقتولہ ارم کے چہرے، گردن، ناک سمیت چھ مقامات پر تشدد کے نشانات پائے گئے ہیں تاہم موت کی حتمی وجوہات سامنے نہیں آسکیں۔
پولیس کا کہنا ہے کہ موت کی وجوہات کا تعین کرنے کیلئے نمونے فرانزک لیبارٹری بھجوادیئے گئے ہیں۔ارم اقبال کے دیور کو حراست میں لے لیا گیا ہے جبکہ مقدمہ میں نامزد ملزمان کے موبائل لوکیشنز کی مدد سے تفتیش جاری ہے،ارم کے شوہر کو تاحال گرفتار نہیں کیا جاسکا۔
