سانگھڑ (این این آئی) سانگھڑ کے نزدیک شاہ پورچاکر کے گاں پریتم آباد میں بیس سالہ نوجوان عرفان بروہی کی شادی کی تقریب کے دوران دادا پوتے کی شادی کی خوشی میں ناچتے ہوئے انتقال کر گئے۔تفصیلات کے مطابق شاہ پورچاکر کے قریب پریتم آباد میں گزشتہ روز بیس سالہ نوجوان عرفان بروہی ولد بابو بروہی کی شادی کی تقریب جاری تھی کہ دادا غازی خان بروہی پوتے عرفان کی شادی کی خوشی میں سندھی لڈی

یعنی ناچتے ہوئے اچانک دل کا دورہ پڑنے سے موقع پر ہی انتقال کر گئے پورا شادی کا بھرا کا بھرا گھر ماتم اور غم میں تبدیل ہوگیا ہر طرف چیخ و پکار مچ گئی جبکہ دوسری جانب مایوں میں بیٹھی دلہن یہ خبر سنتے ہی بیہوش ہو گئی ماں باپ پریشان لوگوں کی آنکھیں اشک بار ہو گئیں آہوں اور سسکیوں میں بزرگ غازی خان کو مقامی قبرستان میں دفنایا گیا شادی کا کھانا میت میں آئے ہوئے لوگوں کو کھلایا گیا۔