اسلام آباد (مانیٹرنگ ڈیسک)معروف صحافی عارف نظامی نے دعویٰ کیا ہے کہ جہانگیر ترین کے خلاف لابنگ کرنے میں اسد عمر کا نمایاں کردار ہے اور اس کی وجہ یہ ہے کہ اسد عمر سمجھتے ہیں کہ مجھے کیوں نکالا۔اسد عمر کو لگتا ہے کہ مجھے کابینہ سے نکالنے میں جہانگیر ترین کا کلیدی کردار تھا
حالانکہ حقیقت یہ ہے کہ اسد عمر معیشت کا بیڑہ غرق کر گئے تھے۔وہ یہ فیصلہ ہی نہیں کر پا رہے تھے کہ ہم آئی ایم ایف جائیں یا پھر نہ جائیں۔کہا جاتا ہے کہ پنجاب پی ٹی آئی کے وزراء کے پاس اختیارات نہیں ہیں،پھر جہانگیر ترین بیرون ملک چلے گئے اور ان کے خلاف چھریاں تیز ہو گئیں۔
